Avenue of Thoughts

There's so much in store that day! We prepared stuffs for the Thomasian Welcome Walk of the Freshies, sobrang dami ng mga props namin! Pinagkagastusan talaga! We kept it a secret for so long, pero sad to say, na-postpone ang activity dahil sa lakas ng ulan. They said, rain or shine tuloy ang activity, pero sabi ko nga, ang expected lang nila ay light rain, pero good luck naman sa agaw buhay kong experience dahil sa Falcon! :))

3PM pa lang ay alam na namin na wala na kaming ieexpect sa hapon. So we packed up, and did our best to remedy all that we can save up 'til the rescheduled TWW. May pakain uli nung hapon, kaya lamyerda na naman sa harap ng SC Office. Then siyempre, hindi maiiawasan ang mga losses, so dumating si Manong Sorbetes at 'yan walang humpay na ice cream sa malamig na panahon. Kailangan yun maubos kaya we stayed longer sa building, calling all passersby, lalo na mga Eng'g at Music to help us finish the ice cream. Kaya nang pauwi na ang lahat, 'eto na, the most traumatic and frustrating experience of my life occurred:

6PM - we finally went out of UST, baha na sa may loob actually, sa may España rin baha na sa may Lacson intersection. I waited for a while to get a ride to Lawton. It was a smooth travel hanggang Quezon Bridge (near Quiapo Church), then ang makaubos oras na traffic. I waited for more than hour on that place. So I have decided to just walk, not to take an FX home, at mag-LRT na lang.

7:30PM I reached LRT Central, medyo maluwag naman, himala! Kaya smooth travel hanggang Baclaran. Hindi na ako nag-EDSA dahil wala akong maasahan dun!

Past 8PM - I reached LRT Baclaran, rode a sidecar hanggang sa lugar na may masasakyang jeep.

Past 8PM - Quarter 10: I waited for a jeep that would ride me until Sucat, pero ang saklap! Wala! Puro Zapote at Alabang! Kung meron man, puno agad! Grabe, dito na ang pinakamasakit sa likod na experience, andami ko kasing dala! Sa dami nang tao, yung tipong hindi pa tapos ang Jeep - LRT Bound, sumasakay na yung tao, takbuhan, siksikan, tulakan, angkas kung angkas ang drama everywhere!

Mga bago mag 10- I've decided to call my dad to ask if he could pick me up sa may Tambo. But to no avail, at traffic plus baha din sa lugar namin, so he couldn't. I got pissed, truth to tell, alam mo yung walang wala na akong magawa, ang hirap sumakay, grabe lang naman! Kaya I went to McDo to have my late dinner. Pagod na talaga ako eh! Buti na lang, naalala ko may tinago akong burger galing Jollibee, yung pakain sa SC. Kaya ginawa ko, tinaggal ko sa loob ng bag yung balot at nilabas ko lang yung sandwich mismo! Haha! kahiya eh! :)) After eating, I went out, asked around kung ano pang pwedeng sakyan. Sinubukan kong kontratahin yung sidecar to bring me sa may intersection nang Tambo at MIA Road para kahit paano dun na lang ako maghihintay ng jeep. Pero ayaw ni kuya.

10PM - Past 11: I've waited again for jeeps kung sakali. This time, hindi na yun papuntang Sucat, MIA/Domestic Airport na lang. For that long, naghintay ako nang masasakyan! At buti na lang, meron na sa wakas!

Past 11 - Quarter past 12MN: Travel from LRT Baclaran to 6-11, it was long and grueling, traffic sa may bandang coastal, congested talaga kaya nakakainis! I'm frustratingly tempted to walk my way home or just ride a taxi!

Quarter Past 12MN - I reached 6-11 and walked my sa may village namin. From 6-11 to Multi! Palagay nating, katumbas nang paglakad nang dalawang ikot Lacson - España gate ng UST.

Quarter to 1AM - I reached our village and I have to fall in line pa para makasakay ng tricycle at makauwi. Eto na ang pinakafrustrating at nakakatuwang leg ng travel ko. Ironic siya, pero yan talaga ang nangyari. So I lined up sa special trip. Sobrang tagal! sarap sumigaw, super negative na nang mindset ko dahil atat na atat na talaga ako umuwi! Then, knowing na traffic pa both lanes sa village dahil sa C5 NI VILLAR! alam mo yung tipong ayaw magbigayan ng daan at away kung away ang drama talaga! Then my father called, asking about my whereabouts and told him not to worry anymore and just go to sleep, that I'm completely fine. After that call, boom! I dropped my phone on the flood! It was cool, actually, kasi umiilaw pa sa baha yung tubig, haha! nahirapan akong kunin dahil hindi kasya kamay ko sa fence! Ang fail talaga, yung nasa likod ko pa, kung makasigaw ng, "Sh*^, pu&^ sayang!" Ikaw na! :)) Pagkakuha ko, pinunasan ko na agad, binaklas ko para madaling pumasok ang air. The funny part nang paghihintay ko ay yung mga barker sa lugar namin, ang kukulit, kala mo walang nangyayari! :)) Mababait at ang alaga sa mga pasahero. Ginagawa nila, hinaharang nila yung FX or Jeep na pauwi na just to at least drop some passengers off sa isang common destination na at least malapit sa lugar nilang tinitirahan. Kasi yung mga tricycle, hindi makalusot sa traffic, at tinamad na talaga yung iba sumabak sa C5 kaya dun lang sila sa isang lugar na malayo-layo kung lalakarin pa nang tao. I thought of walking my way din to ride, pero nakakatamad na talaga!

Quarter to 2AM - it's my turn to ride the tricycle para makauwi! Sarap nang feeling nang nakaupo! At higit sa lahat makauwi! Priceless feeling! Sa pagod ko, ang una kong ginawa ay kumain! buti ndi pa ni-ref nila kuya yung food! Pork Stew! Really relieved!

Then I thought, masaya naman siguro kung nagpastranded na lang ako sa UST-TYK! Kaysa umuwi nang frustrated, pagod, inis, at malagkit! Experience din yun, kung sakali, with great people na rin yun! Pero, narealize ko rin sa biyahe ko pauwi kung gaano kasaklap ang sewage system ng Pilipinas, nang masalubong ko nga yung flood control group na naglilinis nang creek dun sa may Sucat Road, talagang inirapan ko eh!

Bottomline, I went home safe! I hope everybody gets a good rest! Relax and take advantage of the cold bedweather! Sleep to sawa!

Friends! This is my Thomasian Pursuit! What's yours?! :)

1. Tanaw ang Manila Bay kapag ikaw ay nasa tuktok ng UST Main Building Tower.
2. España ang naging pangalan ng kalye sa harap ng UST dahil sakop dati ng UST ang lupa hanggang sa katapat nito at noong panahong gustong bilhin ng Gobyerno ang lupain upang gawing kalye, para pumayag ang UST na ipagbili ito, sinabi ng mga prayleng Dominiko na kailangang pangalanan itong Calle España.
3. Ang seminaryo na binubuo ng tatlong Fakultad lamang ang kabuuan ng UST nang itinatag ito.
4. Walang gusaling pinapatayo sa loob ng UST na mas mataas sa (tuktok ng) Main Building.
5. Binuhat pa mismo mula sa Intramuros ang pinaka-entrada ng UST na tinatawag ngayong Arch of the Centuries.
6. Nasunog ang unang High School Building na kasalukuyang kinakatayuan ng UST Health Services.
7. Kailangan pa ng basbas ng Santo Papa mula sa Vatican bago maitalaga ang Rector magpasahanggang ngayon.
8. Ang kauna-unahang Pilipinong Rector ng UST ay si Rev. Fr. Leonardo Legaspi, O.P. na naitalaga noong 1971.
9. Noong panahon ng mga Amerikano, inalok ang UST na maging National University of Philippines. Hindi pumayag ang mga Paring Dominikano dahil mapapasa-ilalim ito sa pamahalaan ng Gobyerno. Ito ang naghudyat ng pagkakatatag ng University of the Philippines.
10. "Universidad de Filipinas" ang nasa diploma ng UST noon.
11. Ang UST Museum ang pinakamatandang museo sa Pilipinas na magpasahanggang ngayon ay nananatiling nakatayo.
12. Ang kauna-unahang aklat sa Pilipinas ay nailimbag sa UST - ang Doctrina Christiana.
13. Ginawang World War II Military Stronghold ang UST Campus noong masakop ng Hapon ang Pilipinas.
14. Ang UST Main Library ay ang minsang naging pinakamalaking silid-aklatan sa Asya.
15. Makikita sa UST Libarry Rare Books Section ang ilan sa mga librong tulad ng kay Copernicus.
16. Mayroong urban legend na nagsasabing pag lumabas ka raw sa Arch of the Centuries nang hindi ka pa grumagraduate at made-debar ka.
17. Dalawang beses lang nainterrupt ang pasok sa UST, noong First Revolution at World War 2.
18. UST ang pinakamalaking paaralan sa siyudad ng Maynila.
19. Ang lupang kinatatayuan ngayon ng UST ay dating marsh.
20. January 28 ang Feast day ni St. Thomas Aquinas at April 28 naman ang foundation day ng UST.
21. Tinawag na 'Faculty' ang kinabibilangan mong kolehiyo dahil una itong inalok dito sa Pilipinas sa pamamagitan ng UST.
22. Among the Thomasian Martyrs, some of them were canonized as saints and the rest are beatified.
23. Ang mga nag-aaral sa UST Central Seminary ay ang "Cream of the crop" ng iba't ibang Archdiocese sa Pilipinas at sila ay pinipili kung sinong ipapadala at papag-aralin dito.
24. Bago pa naging UST Growling Tigers at UST Tiger Cubs, ang unang tawag sa mga manlalaro ng Unibersidad ay UST Glowing Goldies at UST Golden Nuggets.
25. Ang kauna-unahang punong hukom ng Korte Suprema ay si Cayetano Arellano, mula sa UST Faculty of Civil Law.
26. Ang UST lang ang may natatanging titulong "Royal and Pontifical" sa lahat ng Kolehiya at Pamantasan sa Pilipinas.
27. Sa loob ng Fathers' Residence ay may chapel at oratory pa, liban sa mismong kapilya ng Unibersidad.
28. UST ang pinakamalaking Katolikong Pamatasan sa Asya.
29. Nagsimula lang tumanggap ng kababaihan estudyante noong dekada '20.
30. Ang UST - AMV (Alfredo M. Velayo) College of Accountancy ang kauna-unahan at nagi-isang academic unit sa UST na ipanangalan sa isang mag-aaral nito.
31. Ang Main Building ang kauna-unahang earthquake-resistant building sa buong Pilipinas na itinayo ni Fr. Roque Ruaño, O.P.
32. Ang UST Main Building Tower ay minsan nagsilbing Kilometer 0, dahil ito ang pinakamataas na gusali noong kapanahunan nito ngunit inilipat na ang tawag sa Rizal Shrine.
33. Pinagpilian mula sa Manila at sa isang bayan sa Cagayan kung saan ipapatayo ang UST.
34. UST ang nagi-isang unibersidad sa Pilipinas na tatlong beses ng binisita ng Santo Papa. Sina Pope Paul VI (1970) at Pope John Paul II (1983) and (1995) ay nakadaupang palad na ng mga Tomasino noong sila'y bumisita dito. Ika nga ni Pope John Paul II "As a Pontifical University , Santo Tomas has a special right to the Pope's attention."
35. Ang UST Publishing House (o dating UST Press) na itinatag noong 1593 ay mas matanda pa sa mismong Unibersidad at ang pangalawa sa pinakamatandang Publishing House sa buong mundo, kasunod ng Cambridge University Press.
36. Ang AB Diploma ni Rizal ay galing sa UST na pinirmahan ng UST rector kahit na tinapos nya ang kurso sa Ateneo dahil:
37. Ang UST ay nagsilbing Ministry of Education noon. Tanging UST lamang ang tertiary school noon, ang iba ay secondary schools lang gaya ng Ateneo, Colegio de San Jose, Letran, Colegio de Sta. Rosa, St. Catalina, at iba pa. Hindi sila makakapag-tapos nang walang pagpapatibay ng UST Rector.
38. Ang Faculty of Civil Law ng UST ay ang pinagtapusang pamantasas ng anim na Supreme Court Chief Justices.
39. Ang Facultad ng Inhinyeriya ng UST ang kauna-unahang nag-alok ng mga kurso sa Inhinyeriya sa Pilipinas - ang kursong Civil Engineering.
40. Nasa UST Museum ang nagsilbing upuan ni Pope John Paul II noong siya ay bumisita dito.
41. Makikita sa UST Museum ang mga artifacts nang sinaunang panahon, pati ang mga barya na ginamit ng mga Espanyol noong sila ay unang bumaba sa Pilipinas.
42. Si Dr. Pio A. Valenzuela ay nagtapos ng Medesina sa UST noong taong 1895. Isa siya sa 'triumvirate' na nagtatag at nagtaguyod ng samahang Katipunan. Sa kanya ipinangalan ang ngayo'y tinatawag na Valenzuela City sa gawing-Bulacan, ngunit bahagi na ng kalakhang Maynila.
43. Ang araw sa bandila ng Pilipinas ay mula araw ni Santo Tomas. Nakita ito ng mga ilustrado ng sila ay nag-aaral pa sa UST.
44. Ang krus sa tuktok ng Main Building ay simbolo ng pagiging Catholic University ng UST.Nangangahulugan din ito bilang kaligtasan; habang ang orasan naman na matatagpuan sa ibabang na bahagi ng Tria Haec ay sumisimbolo sa kasaysayan.
45. Ang "The Varsitarian" pinakamatandang publikasyon sa bansa na kinabibilangan ng mga mag-aaral.
46. Hindi lang ito basta-bastang student publication ang The V dahil ito rin ang nag-oorganize ng Pautakan (longest-running university-wide quiz competition), Ustetika (longest-running campus literature competition), Inkblots (longest-running nationwide campus-based journalism workshop). Kasabay ang paglimbag ng hindi bababa sa 12 isyu kada taon; hindi pa kabilang dito ang mag magasin at folio.
47. Ang mga V staffers lang ang nakakapunta sa mga prohibited corners ng USTe at mga close-door events dahil sa makapangyarihang press ID.
48. Ang tawag sa dating V Staffers ay Amihan.
49. Noong 1938 itinatag ni Angel de Blas, O.P.ang Experimental Psychology Laboratory sa UST. .
50. May 37 nang tropeyo ang UST bilang kabuuang-kampeyon sa UAAP simula 1935 sa Senior Division at 12 mula 1996 sa Juniors Division.
51. May sariling sewing room ang UST located sa Second floor ng grandstand.

*External Note: Tanopoman